momin-shayari-image-in-english / Hindi SMS n Shayari

Advertisement

National Holiday Birthday Shayari in English

Posted by 12 December, 2013 (0) Comment

 National Holiday Birthday Shayari in English

Happy Birthday, Special Treasure
God Gave A Gift To The World When You Were Born
A Person Who Loves, Who Cares,
Who Sees A Person’s Need And Fills It,
Who Encourages And Lifts People Up,
Who Spends Energy On Others
Rather Than Herself,
Someone Who Touches Each Life She Enters,
And Makes A Difference In The World,
Because Ripples Of Kindness Flow Outward
As Each Person You Have Touched, Touches Others.
Your Birthday Deserves To Be A National Holiday,
Because You Are A Special Treasure
For All That You’ve Done.
May The Love You Have Shown To Others
Return To You, Multiplied.
I Wish You The Happiest Of Birthdays,
And Many, Many More,
So That Others Have Time To Appreciate You
As Much As I Do.

Categories : Birthday Shayari Tags : , , , , ,

Wasi Shayari Sms Shayari for Friends

Posted by 23 June, 2013 (0) Comment

Usay Yaqeen Ho Jaye Kuch Iss Ada Se Sunana Hall-E-Dil Hamara
Wasi
Woh Khud Hi Keh De Kisi Ko Tarpana Buri Baat Hai!!!!

Categories : Wasi Shah Shayari Tags : , , , ,

Iqbal Tere Des Ka – Poetry by Iqbal

Posted by 3 December, 2013 (0) Comment

Iqbal Tere Des Ka – Poetry by Iqbal

Iqbal Tere Des Ka Kia Haal Sunaon,
Bebaki-o-Haq Goi Se Ghabrata Hai Momin,

Makkari-o-Faraibi Pe Itrata Hai Momin,
Jis Rizq Se Parwaz May Kotahi Ka Dar Ho,

Wo Rizq Ab Baray Shouq Se Khatta Hai Momin,
Kirdaar Ka Guftaar Ka Aamaal Ka Momin,

Qa’il Nahe Aise Kisi Janjaal Ka Momin,
Sarhar Ka Momin Hai To Koi Punjab Ka Momin,

Dhonde Se Bhi Milta Nahe Quran Ka Momin,
Iqbal Tere Des Ka Kia Haal Sunaon….!!

Allama Iqbal

Categories : Allama Iqbal Shayari Tags : , , , , , , , ,

Har Lehza Hai Allah Ki Burhan Shayari

Posted by 3 December, 2013 (0) Comment

Har Lehza Hai Allah Ki Burhan Shayari

Har Lehza Hai Momin Ki Nayi Shan, Nayi Aan
Guftar Mein, Kirdar Mein, Allah Ki Burhan!

Qahhari-o-Ghaffari-o-Quddusi-o-Jabroot
Ye Char Anasir Hon To Banta Hai Musalman

Humsaya-e-Jibreel-e-Ameen Banda-e-Khaki
Hai Iss Ka Nasheman Na Bukhara Na Badakhshan

Ye Raaz Kisi Ko Nahin Maloom Ke Momin
Qari Nazar Ata Hai, Haqiqat Mein Hai Quran!

Qudrat Ke Maqasid Ka Ayar Uss Ke Irade
Dunya Mein Bhi Meezan, Qayamat Mein Bhi Meezan

Jis Se Jigar-e-Lala Mein Thandak Ho, Woh Shabnam
Daryaon Ke Dil Jis Se Dehel Jaen, Woh Toofan

Firat Ka Surood-e-Azali Iss Ke Shab-O-Roz
Ahang Mein Yakta Sift-e-Soorah-e-Rehman

Bante Hain Meri Kargah-e-Fikr Mein Anjum
Le Apne Muqaddar Ke Sitare Ko Tu Pehchan!

Allama Iqbal

Categories : Allama Iqbal Shayari Tags : , , , , , , , ,

Ishq Ke Mizraab Fanaa Shayari

Posted by 3 December, 2013 (0) Comment

Ishq Ke Mizraab Fanaa Shayari

Masjid-e-Qartabaa (The Mosque Of Cordoba)

Silsila-E-Roz-O-Shab Naqsh Gar-E-Hadisaat
Silsila-E-Roz-O-Shab Asl-E-Hayaat-O-Mamaat

Silsila-E-Roz-O-Shab Taar-E-Hareer Do Rang
Jis Se Banaati Hai Zaat Apni Qabaay-E-Sifaat

Silsila-E-Roz-O-Shab Saaz-E-Azal Ki Fughaan
Jis Se Dikhaati Hai Zaat Zer-O-Bam-E-Mumkinaat

Tujh Ko Paraktaa Hai Ye, Mujh Ko Parakhtaa Hai Ye
Silsila-E-Roz-O-Shab Sairafi-E-Kaainaat

Tu Ho Agar Kam Iyaar, Main Hoon Agar Kam Iyaar
Maut Hai Teri Baraat, Maut Hai Meri Baraat

Terey Shab-O-Roz Ki Aur Haqeeqat Hai Kya
Ek Zamaaney Ki Rau Jis Mein Na Din Hai Na Raat

Aani Wo Faani Tamaam Mo’ejizaa Haaye Hunar
Kaar-E-Jahaan Be-Sabaat! Kaar-E-Jahaan Be-Sabaat!

Awwal-O-Aakhir Fanaa, Baatin-O-Zaahir Fanaa
Naqsh-E-Kuhan Ho Ke Nau, Manzil-E-Aakhir Fanaa

Hai Magar Is Naqsh Mein Rang-E-Sabaat-E-Dawaam
Jis Ko Kiya Ho Kisi Mard-E-Khudaa Ne Tamaam

Mard-E-Khudaa Ka Amal Ishq Se Saahab Farogh
Ishq Hai Asl-E-Hayaat Maut Hai Us Par Haraam

Tund-O-Subak Sair Hai Gar Chey Zamaaney Ki Rau
Ishq Khud Ik Sail Hai Sail Ko Letaa Hai Thaam

Ishq Ki Taqweem Mein Asr-E-Rawaan Ke Siwaa
Aur Zamaaney Bhi Hain Jin Ka Nahien Koi Naam

Ishq Dam-E-Jibrail, Ishq Dil-E-Mustafaa
Ishq Khudaa Ka Rasool, Ishq Khudaa Ka Kalaam

Ishq Ki Masti Se Hai Paikar-E-Gul Taab-Naak
Ishq Hai Sahbaa-E-Khaam, Ishq Hai Kaas-Ul-Karaam

Ishq Faqih-E-Haram, Ishq Ameer-E-Junood
Ishq Hai Ibn-Us-Sabeel, Uskey Hazaaron Muqaam

Ishq Ke Mizraab Se Naghma-E-Taar-E-Hayaat
Ishq Se Noor-E-Hayaat, Ishq Se Naar-E-Hayaat

Aye Haram-E-Qartabaa! Ishq Se Teraa Wajood
Ishq Saraapaa Dawaam Jis Mein Nahien Raft-O-Bood

Rang Ho Ya Khisht-O-Sang, Chang Ho Ya Harf-O-Saut
Mo’eijiza-E-Fun Ki Hai Khoon-E-Jigar Se Namood

Qatra-E-Khoon-E-Jigar Sil Ko Banaataa Hai Dil
Khoon-E-Jigar Se Sadaa Soz-O-Suroor-O-Surood

Teri Fazaa Dil Faroz, Meri Nawaa Seenaa Soz
Tujh Se Dilon Ka Huzoor, Mujh Se Dilon Ki Kashood

Arsh-E-Mo’ellaa Se Kam Seena-E-Aadam Nahien
Gar Chey Kaf-E-Khaak Ki Had Hai Sapahr-E-Kabood

Paikar-E-Noori Ko Hai Sajdaa Muyassar To Kya
Us Ko Muyassar Nahien Soz-O-Gudaaz-E-Sajood

Kaafir-E-Hindi Hoon Main Dekh Miraa Zauq-Oshauq
Dil Mein Salaat-O-Durood, Lab Pe Salaat-O-Durood

Shauq Miri Lai Mein Hai, Shauq Miri Nai Mein Hai
Naghma-E-Allah-Hu Merey Rag-O-Pai Mein Hai

Teraa Jalaal-O-Jamaal Mard-E-Khudaa Ki Daleel
Wo Bhi Jaleel-O-Jameel, Tu Bhi Jaleel-O-Jameel

Teri Binaa Paay-Daar, Teri Sutoon Be-Shumaar
Shaam Ke Sahraa Mein Ho Jaisey Hujoom-E-Nakheel

Terey Dar-O-Baam Par Waadi-E-Ayman Ka Noor
Teraa Meenaar-E-Buland Jalwaa Gah-E-Jibraeel

Mit Nahien Saktaa Kabhi Mard-E-Musalmaan, Ke Hai
Us Ki Azaanon Se Faash Sirr-E-Kaleem-O-Khaleel

Us Ki Zameen Be-Hudood, Us Ka Ufuq Be-Sughoor
Us Ke Samandar Ki Mauj Dajla-O-Danyub-O-Neel

Us Ke Zamaaney Ajeeb, Us Ke Fasaaney Ghareeb
Ahd-E-Kuhan Ko Diyaa Us Ne Payaam-E-Raheel

Saaqi-E-Arbaab-E-Zauq, Faaras-E-Maidaan-E-Shauq
Baadaa Hai Us Ka Raheeq, Tegh Hai Us Ki Aseel

Mard-E-Sipaahi Hai Wo, Us Ki Za Rah La-Ilahaa
Saay-E-Shamsheer Mein Uski Panah La-Ilahaa

Tujh Se Huwaa Aashkaar Banda-E-Momin Ka Raaz
Us Ke Dinon Ki Tapish, Us Ki Shabon Ka Gudaaz

Us Ke Muqaam-E-Buland, Us Ka Khayaal-E-Azeem
Us Ka Suroor, Us Ka Shauq, Us Ka Niyaaz, Us Ka Naaz

Haath Hai Allah Ka Banda-E-Momin Ka Haath
Ghaalib-O-Kaar Aafreen, Kaar Kushaa, Kaar Saaz

Khaaki-O-Noori Nihaad, Banda-E-Maulaa Sifaat
Har Do Jahaan Se Ghani Us Ka Dil-E-Be-Niyaaz

Us Ki Umeedein Qaleel, Us Ke Maqaasid Jaleel
Us Ki Adaa Dil-Fareb, Us Ki Nigah Dil-Nawaaz

Narm Dam-E-Guftagoo, Garm Dam-E-Justajoo
Razm Ho Ya Bazm Ho Paak Dil-O-Paak-Baaz

Nuqta-E-Parkaar-E-Haq, Mard-E-Khudaa Ka Yaqeen
Aur Ye Aalam Tamaam Wahm-O-Tilism-O-Majaaz

Aql Ki Manzil Hai Wo, Ishq Ka Haasil Hai Wo
Halqa-E-Aafaaq Mein Garmi-E-Mahfil Hai Wo

Kaaba-E-Arbaab-E-Fun! Sitwat-E-Deen-E-Mabeen
Tujh Se Haram Martabat Undalasiyon Ki Zameen

Hai Tah-E-Gardon Agar Husn Mein Teri Nazeer
Qalb-E-Musalmaan Mein Hai Aur Nahien Hai Kaheen

Aah Wo Mardaan-E-Haq, Wo Arabi Shah-Sawaar
Haael-E-’Khalq-E-Azeem’, Saahab-E-Sidq-O-Yaqeen

Jin Ki Hukoomat Se Hai Faash Ye Ramz-E-Ghareeb
Saltanat-E-Ahl-E-Dil Faqr Hai Shaahi Nahien

Jin Ki Nigaahon Ne Ki Tarbiyat-E-Sharq-O-Gharb
Zulmat-E-Europe Mein Thi Jin Ki Khirad Raah-Been

Jin Ke Luhoo Ke Tufail Aaj Bhi Hain Undalasi
Khush Dil-O-Khush Ikhtalaat, Saadaa-O-Raushan Jabeen

Aaj Bhi Is Des Mein Aam Hai Chashm-E-Ghazaal
Aur Nigaahon Ke Ter Aaj Bhi Dil-Nasheen

Boo-E-Yaman Aaj Bhi Iski Hawaaon Mein Hai
Rang-E-Hijaaz Aaj Bhi Iski Nawaaon Mein Hai

Deeda-E-Anjum Mein Hai Teri Zameen Aasmaan
Aah! Ke Sadyon Se Hai Teri Fazaa Be-Azaan

Kaun Si Waadi Mein Hai, Kaun Si Manzil Mein Hai
Ishq-E-Balaa-Kheez Ka Qaafla-E-Sakht Jaan

Dekh Chukaa Almani Shorish-E-Aslaah-E-Deen
Jis Ne Na Chhodey Kahien Naqsh-E-Kuhan Ke Nishaan

Harf-E-Ghalat Ban Gayi Ismat-E-Peer-E-Kanisht
Aur Hui Fikr Ki Kashti-E-Nazuk Rawaan

Chashm-E-Fransis Bhi Dekh Chuki Inqilaab
Jis Se Digar Gon Hua Maghrabiyon Ka Jahaan

Millat-E-Rumi Nizaad Kuhnaa Parasti Se Peer
Lazzat-E-Tajdeedaa Se Wo Bhi Hui Phir Jawaan

Ruh-E-Musalmaan Mein Hai Aaj Wohi Iztaraab
Raaz-E-Khudaai Hai Ye Kah Nahien Sakti Zabaan

Dekhiye Is Bahr Ki Tah Se Uchhaltaa Hai Kya
Gunbad-E-Neelofari Rang Badaltaa Hai Kya

Waadi-E-Kuhsaar Mein Gharq-E-Shafaq Hai Sahaab
Laal-Badakhshaan Ke Dher Chhod Gayaa Aaftaab

Saadaa-O-Pur-Soz Hai Dukhtar-E-Dahqaan Ka Geet
Ashti-E-Dil Ke Liye Sail Hai Ahd-E-Shabaab

Aab-E-Rawaan-E-Kabeer! Terey Kinaarey Koi
Dekh Rahaa Hai Kisi Aur Zamaaney Ka Khwaab

Aalam-E-Nau Hai Abhi Parda-E-Taqdeer Mein
Meri Nigaahon Mein Hai Uski Sahar Be-Hijaab

Pardaa Uthaa Don Agar Chahra-E-Afkaar Se
La Na Sakeygaa Firang Meri Nawaaon Ki Taab

Jis Mein Na Ho Inqilaab Maut Hai Wo Zindagi
Ruh-E-Umam Ki Hayaat Kashmaaksh-E-Inqilaab

Soorat-E-Shamsheer Hai Dast-E-Qazaa Mein Wo Qaum
Karti Hai Jo Har Zamaan Apney Amal Ka Hisaab

Naqsh Hain Sab Na-Tamaam Khoon-E-Jigar Ke Baghair
Naghma Hai Saudaa-E-Khaam Khoon-E-Jigar Ke Baghair

Allama Iqbal

Categories : Allama Iqbal Shayari Tags : , , , , , , , , ,